Ferat Shala, ish-deputet i Partisë Demokratike të Kosovës, ka akuzuar kryeministrin në detyrë, Albin Kurti, si udhëheqësin e mafias energjetike në Kosovë.
Në një paraqitje në “Debat Plus” në Dukagjin, Shala theksoi se gjatë vitit 2024, janë importuar energji elektrike në vlerë prej 168 milionë eurosh. Ai vuri në dukje se gjatë vitit 2025, rreth 85% e energjisë elektrike të importuar erdhi nga kompani dhe burime serbe, greke dhe serbo-boshnjake.
Shala kritikoi qeverinë për mungesën e transparencës në raportimin e burimeve të importit, duke vënë në pikëpyetje deklaratat zyrtare që pretendonin se rryma vinte nga Shqipëria dhe Maqedonia. Në vijim të kritikave, Shala përmendi se pas zbulimit të aferës së NOA-s, qeveria u përpoq të justifikonte veprimet e saj vetëm në javën e fundit.
Ai akuzoi gjithashtu Armend Mujën për prezantimin e të dhënave manipuluese, duke sugjeruar se këto të dhëna ishin përgatitur paraprakisht nga Kurti.
Leave a Reply