Komisioni Qendror i Zgjedhjeve (KQZ) do të mbajë mbledhjen e radhës sot, duke filluar nga ora 18:00.
Një nga pikat kryesore në agjendë është hedhja e shortit për renditjen e subjekteve politike në fletëvotim. Kreshnik Radoniqi, kryesues i mbledhjes, do të hapë takimin, ku do të trajtohen disa tema të rëndësishme.
Një nga këto është shqyrtimi dhe miratimi i plotësimeve të vendimit të mëparshëm të KQZ-së lidhur me renditjen e partive. Këshilli për Operacione Zgjedhore do të diskutojë opsionet dhe afatet për votimin me postë për zgjedhjet e parakohshme të Kuvendit të Kosovës, që priten të mbahen më 28 dhjetor 2025.
Po ashtu, do të shqyrtohet kontraktimi i shërbimeve postare për votim jashtë vendit. Në përfundim, Këshilli për Çështje Ligjore do të shqyrtojë kërkesat për zëvendësimin e anëtarëve të Kuvendeve Komunale në disa qytete, përfshirë Prishtinën dhe Prizrenin.
Leave a Reply