Besnik Tahiri, nënkryetar i Aleancës për Ardhmërinë e Kosovës, ka kritikuar ashpër rritjen e vazhdueshme të çmimeve të produkteve thelbësore, duke e përshkruar këtë situatë si të papranueshme dhe tregues të një menaxhimi të dobët nga ana e qeverisë.
Ai ka vënë në pah se çmimet e produkteve bazë, si qumështi, produktet e qumështit, dhe frutat, janë rritur ndjeshëm, duke tejkaluar shpesh ato të vendeve më të zhvilluara evropiane, përfshirë Zvicrën, Gjermaninë, Italinë dhe Francën. Në një deklaratë, Tahiri ka shprehur habinë e tij për faktin se produktet elementare në Kosovë kushtojnë më shumë se në vendet me standard më të lartë jetese.
Ai ka theksuar se ndërkohë që qytetarët përballen me rritje të vazhdueshme të kostos së jetesës, pagat mbeten të ulëta dhe nuk pësojnë ndryshime. Sipas Tahirit, në Kosovë, me këtë qeveri, pagat janë ndër të vetmet gjëra që mbeten të ulëta, ndërsa ai kritikon pesë vitet e fundit si të mbushura me premtime pa rezultate konkrete për ekonominë e qytetarëve.
Leave a Reply