Skuadra e Sionit arriti një fitore të rëndësishme kundër Young Boys me rezultat 2:0 në ndeshjen e Superligës së Zvicrës.
Takimi, që ishte pjesë e xhiros së 16-të, u zhvillua të dielën. Benjamin Kololli hapi serinë e golave në minutën e 29-të, duke realizuar nga penalltia e fituar nga Donat Rrudhani.
Në minutën shtesë të pjesës së parë, Rilind Nivokazi shënoi golin e dytë për Sionin, duke vulosur fitoren. Pavarësisht dominimit të Sionit, Young Boys qëndrojnë ende një pozitë më lart në renditje me 26 pikë, ndërsa Sioni është në vendin e pestë me 24 pikë.
Për Nivokazin, ky ishte goli i tetë në kampionat, ndërsa Kololli realizoi për herë të tretë këtë sezon. Kololli, Nivokazi dhe Rrudhani u zëvendësuan në minutën e 63-të, ndërkohë që Kreshnik Hajrizi luajti gjatë gjithë ndeshjes.
Leave a Reply