BE-ja e njohu Kosovën si vend të sigurt për azilkërkuesit

Kosova dhe shtatë vende të tjera janë përfshirë në listën e vendeve të sigurta për azil nga Bashkimi Evropian, sipas një njoftimi nga Këshilli Evropian.

Vendimi synon përshpejtimin e procedurave të azilit për shtetasit e këtyre vendeve, duke ulur kohën e përpunimit të kërkesave. Në këtë listë, përveç Kosovës, janë përfshirë Bangladeshi, Kolumbia, Egjipti, India, Maroku dhe Tunizia.

Kjo klasifikim bazohet në vlerësimin që këto vende ofrojnë mbrojtje të mjaftueshme ndaj persekutimit dhe shkeljeve të të drejtave themelore. Megjithëse përfshirja në listën e vendeve të sigurta nuk nënkupton refuzim automatik të kërkesave për azil, ajo mundëson refuzimin e kërkesave kur aplikantët kanë kaluar më parë në një vend të tretë të sigurt.

Rregullorja e re zgjeron situatat kur një kërkesë konsiderohet e papranueshme, duke lejuar shqyrtimin edhe në vende të treta. Kjo lëvizje është pjesë e përpjekjeve të BE-së për të forcuar zbatimin e ligjeve të migracionit dhe azilit.