Ambasada e Kosovës në Paris pezullon shërbimet konsullore

Ambasada e Kosovës në Paris ka bërë të ditur se nga 20 dhjetori deri më 6 janar, shërbimet konsullore do të jenë të kufizuara, duke u ofruar vetëm në raste urgjente, si vdekjet.

Ky vendim është marrë për shkak të mbylljes së vitit fiskal për 2025, kohë gjatë së cilës nuk do të jenë të mundshme pagesat për shërbime konsullore, sipas udhëzimeve të Departamentit të Financave në Ministrinë e Punëve të Jashtme dhe Diasporës. Ambasada ka këshilluar qytetarët që kanë nevojë për shërbime konsullore të kontaktojnë përpara datës 19 dhjetor.

Ata kanë shprehur mirënjohje për mirëkuptimin e publikut dhe kanë uruar festat e fundvitit. Ndërprerja e përkohshme është pjesë e procedurave të zakonshme të mbylljes së vitit fiskal që ndikon në ofrimin e shërbimeve.