Ish-kryetari i Prizrenit, Mytaher Haskuka, ka shpallur pjesëmarrjen e tij në zgjedhjet e 28 dhjetorit si kandidat me numrin 50.
Haskuka, i cili ka një përvojë të pasur si deputet, kryetar komune dhe profesor universitar, vendosi të rikandidojë për të vazhduar angazhimin në shërbim të qytetarëve dhe Republikës së Kosovës. Ai theksoi se gjatë karrierës së tij ka punuar me integritet dhe përkushtim, duke u fokusuar në politika që synojnë përmirësimin e jetës së qytetarëve.
Haskuka vlerëson se bashkëpunimi dhe besimi i qytetarëve kanë qenë motivimi i tij kryesor. Në mesazhin e tij, Haskuka i bëri thirrje qytetarëve të mbështesin kandidaturën e tij dhe të vazhdojnë punën brenda Kuvendit për zhvillim dhe drejtësi.
Ai gjithashtu përmendi mbështetjen për kryeministrin në detyrë, Albin Kurti, i cili garon me numrin 1. Në fund, ai ftoi qytetarët të votojnë më 28 dhjetor për Lëvizjen Vetëvendosje, duke përfshirë kandidaturat e tij dhe të Kurtit.
Leave a Reply