Mytaher Haskuka, profesor universitar dhe ish-kryetar i Prizrenit, ka bërë të ditur përmes një videoje të postuar në Facebook se do të garojë si kandidat i Lëvizjes Vetëvendosje në zgjedhjet e 28 dhjetorit.
Ai ka shprehur mbështetjen e tij të plotë për kryeministrin në detyrë, Albin Kurti. Në mesazhin e tij, Haskuka theksoi se e mbështet Kurtin për rezultatet pozitive në rritjen ekonomike, si dhe për përmirësimet në buxhetin e shtetit dhe pagat.
Ai vlerësoi politikat sociale që kanë përfituar lehonat, fëmijët, pensionistët dhe grupet vulnerabël. Haskuka theksoi se vizioni i tij politik përfshin zhvillimin e drejtë dhe ndërtimin e një shoqërie të bazuar në drejtësi dhe barazi.
Haskuka, i cili është pjesë e LVV që prej vitit 2014 dhe ka shërbyer si deputet dhe kryetar i komunës, u bëri thirrje qytetarëve të votojnë për Kurtin si kryeministër, duke theksuar rëndësinë e një qeverisjeje në interes të qytetarëve dhe jo të grupeve të interesit.
Leave a Reply