Organizata e Veteranëve të Luftës (OVL) ka reaguar ndaj deklaratave të kryeministrit Mickoski, duke theksuar se këto deklarata rrisin tensionet pa nevojë dhe përpiqen të paraqesin protestën e paralajmëruar si të rrezikshme.
Protesta e planifikuar për 13 dhjetor në Shkup është njoftuar si një tubim paqësor dhe gjithëpërfshirës, i cili synon të mbrojë dinjitetin dhe të kundërshtojë padrejtësitë në Hagë. Organizatorët theksojnë se ky tubim është plotësisht i koordinuar dhe nuk ka qëllime politike.
Ata kërkojnë nga institucionet e Maqedonisë së Veriut të mbeten profesionale dhe të mos politizojnë të drejtën kushtetuese për të protestuar. OVL siguron qytetarët se protesta do të zhvillohet në mënyrë të qetë dhe me përgjegjësi, duke respektuar lirinë e shprehjes dhe të tubimit, që janë të garantuara.
Leave a Reply