Ministria e Kulturës, Rinisë dhe Sportit ka vendosur të shtyjë afatin për aplikimet për vërtetimet e sponsorizimeve në sport deri më 12 dhjetor 2025, ora 16:00.
Ky vendim është marrë nga ministri Hajrulla Çeku, në përgjigje të kërkesave të shumta nga klubet, federatat dhe organizatat sportive. Ministria shpjegon se shumë prej tyre nuk arritën të përfundojnë aplikimet brenda afatit të mëparshëm, për shkak të kërkesave të larta për mbështetje financiare dhe kohës së nevojshme për kompletimin e dokumenteve.
Me këtë shtyrje, synohet t’u ofrohet të gjitha organizatave mundësi e barabartë dhe transparente për të përfituar nga sponsorizimet. Vendimi i plotë është i disponueshëm në faqen zyrtare të Ministrisë.
Ky veprim është pjesë e përpjekjeve për të përkrahur zhvillimin e sportit në vend dhe për të krijuar kushte më të mira për organizatat sportive.
Leave a Reply