Prorektorja e Universitetit të Prishtinës për Ndërkombëtarizim dhe Shkëmbime Akademike, prof.
Rozafa Basha, priti në një takim ambasadorin hungarez në Kosovë, Laszlo Istvan Dux, dhe sekretarin e parë të ambasadës, Aron Kerékgyárto. Në këtë takim u diskutua mundësia e sjelljes së një lektori për të mësuar gjuhën hungareze në Qendrën e Gjuhëve të Fakultetit të Filologjisë.
Një ide që po shqyrtohet është edhe hapja e një lektorati të gjuhës hungareze në të ardhmen. Universiteti i Prishtinës ka njoftuar se gjatë vizitës së parë zyrtare të ambasadorit Dux në tetor, u bisedua për zgjerimin e bashkëpunimit me institucionet arsimore në Hungari dhe ofrimin e kurseve të gjuhës hungareze për studentët.
Në takim morën pjesë edhe prof. Milote Sadiku dhe prof.
Lindita Sejdiu, të cilat prezantuan organizimin e kurseve dhe kushtet për lektorët. Qendra e Gjuhëve po zgjeron vazhdimisht ofertën për gjuhët e huaja, ndërsa Universiteti synon të forcojë bashkëpunimin ndërkombëtar për të rritur mundësitë akademike për studentët dhe stafin.
Leave a Reply