Një aksident tragjik ndodhi sot në Prizren, ku një grua 53-vjeçare humbi jetën pasi u përplas nga një kamion betoni.
Ngjarja ndodhi rreth orës 13:00 në lagjen Lakuriq. Zëdhënësi i Policisë për rajonin e Prizrenit, Shaqir Bytyqi, konfirmoi incidentin.
Sipas informacioneve fillestare, kamioni po lëvizte pranë një punishtje kur goditi gruan, e cila nuk u vu re nga drejtuesi i mjetit. Mjekët e emergjencës, të thirrur menjëherë në vendngjarje, konstatuan vdekjen e menjëhershme të viktimës.
Policia arriti shpejt në vendin e ngjarjes dhe ndaloi drejtuesin e kamionit për t’u marrë në pyetje në stacionin policor. Bytyqi deklaroi se po bashkëpunohet ngushtë me prokurorin e shtetit për të zbardhur rrethanat e plota të aksidentit dhe për të kryer veprimet ligjore të nevojshme.
Leave a Reply