Analisti politik Azdren Shala ka vlerësuar veprimet ekonomike të kryeministrit në detyrë, Albin Kurti, duke i cilësuar ato si të motivuara nga qëllimet elektorale, veçanërisht në prag të fushatave zgjedhore.
Gjatë një interviste në emisionin “Rubikon” në Klan Kosova, Shala theksoi se këto veprime janë të menduara dhe nuk ndodhin për shkak të mungesës së njohurive. Sipas tij, Kurti aspiron për një shoqëri më të barabartë, por më të varfër, duke ndjekur një qasje që ai e konsideron si komuniste.
Shala shtoi se rritja ekonomike duhet vlerësuar duke parë përfitimet e qytetarëve, fuqinë blerëse dhe stabilitetin e bizneseve. Ai shprehu shqetësimin për falimentimin e shumë bizneseve, çka tregon për vështirësitë ekonomike aktuale.
Gjithashtu, Shala u shpreh se beson që Kurti është i vetëdijshëm se varfëria e bën më të lehtë nënshtrimin e njerëzve, duke sugjeruar se kjo mund të jetë një strategji për të fituar mbështetje politike.
Leave a Reply