Një protestë e gjerë do të organizohet nesër në Shkup për të mbështetur ish-komandantët e Ushtrisë Çlirimtare të Kosovës të cilët po gjykohen në Hagë.
Organizata e Veteranëve të Luftës së UÇK-së ka deklaruar se nuk do të marrë përgjegjësi për udhëtimin e qytetarëve drejt Maqedonisë së Veriut, duke qenë se nuk ka garanci zyrtare nga autoritetet. Nënkryetari i OVL-UÇK-së, Gazmen Syla, theksoi se pjesëmarrja është krejtësisht vullnetare, pasi mungojnë siguritë për qarkullim të lirë në kufi.
Ai bëri thirrje për mirëkuptim nga bashkëluftëtarët për situatën e krijuar, duke theksuar se organizata nuk mund të garantojë për pengesat eventuale. Protesta, e cila është e karakterit paqësor, synon të shprehë pakënaqësinë ndaj procesit gjyqësor në Dhomat e Specializuara.
Syla kërkoi mirëkuptim nga Maqedonia e Veriut, duke nënvizuar se protesta ka një karakter gjithëkombëtar dhe përfshin pjesëmarrës nga Shkupi, Prishtina dhe Tirana.
Leave a Reply