Një grua nga fshati Lëbushë i Deçanit është zhdukur që nga data 2 dhjetor, sipas raportimit të djalit të saj.
Ai lajmëroi policinë më 6 dhjetor, duke njoftuar se nëna e tij kishte dalë nga shtëpia rreth orës 09:00 atë ditë dhe nuk është kthyer më. Zëdhënësi i Policisë për rajonin e Pejës, Fadil Gashi, ka bërë të ditur se rasti është regjistruar si person i zhdukur dhe hetimet janë në vazhdim.
Pesë persona janë intervistuar deri më tani, por ende nuk ka informacione konkrete për vendndodhjen e saj. Mediat lokale raportojnë se gruaja e zhdukur është Pemlushe Sadrija, 55 vjeçare.
Policia e Kosovës vazhdon përpjekjet për gjetjen e saj, duke intensifikuar kërkimet dhe hetimet në terren.
Leave a Reply