Pas betimit si kryetar i ri i Mitrovicës së Jugut, Faton Peci njoftoi se prioritetet e tij fillestare do të përqendrohen në mbështetjen për fëmijët me nevoja të veçanta dhe në përmirësimin e arsimit në komunë.
Ai planifikon të krijojë një komision të posaçëm për të vlerësuar nevojat e këtyre fëmijëve, duke theksuar se arsimi do të jetë fusha ku do të nisë angazhimi i tij. Peci deklaroi se pesë vendimet e para do të reflektojnë vullnet të mirë, duke përfshirë formimin e një komisioni për të kuptuar sa asistentë nevojiten në sistemin arsimor për fëmijët me nevoja të veçanta.
Ai gjithashtu njoftoi se do të vizitojë kopshtin e qytetit së bashku me presidenten Vjosa Osmani. Duke u shprehur për partneritetin me LVV, Peci theksoi rëndësinë e bashkëpunimit me qeverinë për realizimin e programit të tij.
Lidhur me mungesën e Arian Tahirit, ish-kandidatit të PDK-së, në seancë, Peci tha se nuk është në dijeni të arsyes, por e kishte përfshirë atë në përshëndetjen e tij.
Leave a Reply