Ish-kryeministri i Kosovës, Avdullah Hoti, në një intervistë për T7, ka shprehur shqetësimin e tij për nivelin aktual të marrëdhënieve mes Kosovës dhe Shteteve të Bashkuara.
Ai theksoi se këto raporte janë përkeqësuar ndjeshëm, duke arritur në pikën më të ulët të mundshme. Hoti e konsideron vendimin e qeverisë amerikane për të pezulluar dialogun strategjik si një mesazh tejet të rëndë për Kosovën.
Sipas tij, ky veprim i qeverisë së udhëhequr nga Albin Kurti ka sjellë kosto të larta politike dhe ekonomike për vendin. Ai paralajmëron se hapi i radhës pas ndërprerjes së dialogut mund të jetë edhe tërheqja e Ambasadës së SHBA-së nga Prishtina, gjë që do të përkeqësonte më tej situatën.
Hoti e konsideron këtë skenar si një zhvillim tejet të pakëndshëm dhe të dëmshëm për vendin.
Leave a Reply