Sekretarja e Përgjithshme e Partisë Demokratike të Kosovës, Vlora Çitaku, ka shprehur shqetësimin e saj për izolimin ndërkombëtar të Kosovës, duke e cilësuar si pasojë të paparashikueshmërisë së kryeministrit në detyrë, Albin Kurti.
Çitaku theksoi se Kosova ka shënuar arritje të rëndësishme me ndihmën e partnerëve ndërkombëtarë. Ajo përmendi largimin e tankeve serbe, shpalljen e pavarësisë, njohjen nga mbi 100 vende dhe tërheqjen e investimeve të huaja si suksese të mëdha që janë realizuar falë bashkëpunimit ndërkombëtar.
Ajo vuri në dukje se në diplomaci, paparashikueshmëria mund të ketë pasoja të rënda për vendet që nuk janë të fuqishme, përfshirë izolimin dhe rritjen e çmimeve. Deklaratat e saj u bënë gjatë një interviste për Klan Kosova, ku ajo shprehu shqetësimin për gjendjen aktuale të vendit në arenën ndërkombëtare.
Leave a Reply