Qeveria zvicerane përballet me kufizime financiare në blerjen e avionëve F-35.
Me fondet e aprovuara prej 6 miliardë frangash, ata mund të sigurojnë maksimalisht 24 avionë të rinj luftarakë në një skenar të kufizuar. Kjo për shkak të kostove shtesë të lidhura me shërbimet që përfshihen në këtë projekt, siç është raportuar nga e përditshmja zvicerane “Sonntags Zeitung”.
Sipas burimeve, vetëm çmimi i avionëve arrin në 3.8 miliardë franga. Përveç kësaj, shpenzimet shtesë që lidhen me avionët janë vlerësuar të arrijnë deri në 1.3 miliardë franga.
Zyra Federale për Armatime ka konfirmuar këto shifra për gazetën, duke nënvizuar sfidat për të qëndruar brenda buxhetit të përcaktuar. Për momentin, është e qartë se fondet e miratuara janë të mjaftueshme vetëm për një numër të kufizuar avionësh.
Leave a Reply