Qeveria aktuale ka zhvilluar një mbledhje elektronike ku është miratuar një kërkesë nga Ministria e Financave, Punës dhe Transfereve për rishpërndarjen e buxhetit dhe realizimin e kursimeve.
Vendimi i ri parashikon që fondet e kursyera nga disa kategori të përdoren për të mbështetur sektorë të tjerë. Sipas këtij vendimi, Ministria e Financave do të menaxhojë fondet për disa kategori sociale, duke përfshirë pensionet bazë, pensionet për punonjësit e arsimit të viteve ’90, pensionet familjare, pensionet për të verbrit dhe ato për veteranët.
Gjithashtu, fondet do të përdoren për pagesat e lehonave, shtesat për fëmijë dhe ndihmën për pagimin e komunalive për familjet në nevojë. Në total, shuma e mjeteve të rishpërndara arrin në 4 milionë e 752 mijë e 350 euro, duke synuar përmirësimin e mbështetjes për kategoritë më të ndjeshme të shoqërisë.
Leave a Reply