Alban Krasniqi, anëtar i Vetëvendosjes në Komisionin Qendror të Zgjedhjeve (KQZ), ka realizuar një video që ka ngjallur diskutime, pasi konsiderohet në kundërshtim me Ligjin e Përgjithshëm të Zgjedhjeve në Kosovë.
Në video, Krasniqi demonstron procesin e votimit me postë, duke përfshirë udhëzime të detajuara për votuesit e Vetëvendosjes. Ai shpjegon se si votuesit do të marrin një zarf nga KQZ që përmban fletëvotimin dhe udhëzime të tjera, duke treguar se si duhet të votohet për partinë e tij.
Në video, Krasniqi përdor një laps për të votuar Vetëvendosjen, duke i udhëzuar votuesit të bëjnë një shenjë apo X në fletëvotim. Ky veprim është parë si shkelje e nenit 62 të ligjit, i cili kërkon që anëtarët e KQZ-së të veprojnë në mënyrë të paanshme dhe profesionale.
Deri tani, asnjë anëtar tjetër i KQZ-së nuk kishte realizuar një video të tillë. Krasniqi është i njohur për veprime që shpesh bien në kundërshtim me përgjegjësitë e tij në KQZ.
Leave a Reply