Ministri i Mbrojtjes në detyrë, Ejup Maqedonci, njoftoi nënshkrimin e një kontrate të re me kompaninë e njohur amerikane të industrisë ushtarake, AM General.
Kjo marrëveshje do të sjellë sisteme moderne të artilerisë mobile për Forcën e Sigurisë së Kosovës, duke përfshirë sistemet HUMVEE Hawkeye 105mm Mobile Howitzer (MHS) dhe automjete mbështetëse të avancuara. Si pjesë e kontratës, janë siguruar edhe pjesë rezervë, mirëmbajtje teknike dhe trajnim për personelin ushtarak.
Ministri Maqedonci theksoi se ky investim është një hap i rëndësishëm në zhvillimin e ushtrisë së Kosovës, duke përmirësuar aftësitë për qitje në distanca të gjata dhe fuqinë e zjarrit. Marrëveshja pritet të kontribuojë në forcimin e kapaciteteve mbrojtëse të vendit dhe në garantimin e një stabiliteti afatgjatë rajonal.
Maqedonci vuri në dukje se ky zhvillim përfaqëson një hap kyç drejt ndërtimit të një ushtrie moderne dhe të gatshme për bashkëpunim me aleatët strategjikë.
Leave a Reply