Ehat Miftaraj, drejtuesi i Institutit të Kosovës për Drejtësi, ka kritikuar ministrin e Financave, Hekuran Murati, lidhur me mosratifikimin e Planit të Rritjes prej 880 milionë eurosh.
Miftaraj theksoi se përgjegjësia për këtë dështim bie mbi qeverinë e udhëhequr nga Lëvizja Vetëvendosje dhe kryeministri Albin Kurti. Në një deklaratë të tij, Miftaraj akuzoi Muratin për mosdhënie të së vërtetës.
Sipas tij, problemi kryesor që plani nuk u ratifikua në Kuvend lidhet me arrogancën dhe vetëbesimin e tepruar të qeverisë aktuale, që mendon se është mbi interesat e shtetit dhe qytetarëve. Nga ana tjetër, Murati kishte fajësuar partitë opozitare PDK, LDK, AAK dhe Nisma për mosvotimin e marrëveshjeve financiare, të cilat përfshijnë edhe 130 milionë euro nga Banka Botërore, duke theksuar se këto masa janë të vetmet që mbeten pasi BE-ja hoqi kufizimet e saj.
Leave a Reply