Shqipëria ka arritur një përfaqësim të rëndësishëm në Asamblenë Parlamentare të Këshillit të Evropës, pas një vendimi të marrë në mënyrë unanime.
Deputetja shqiptare, Olta Xhaçka, është emëruar në rolin e Zëvendës Presidentes së këtij institucioni të njohur ndërkombëtarisht.
Lajmin e bëri publik vetë Xhaçka përmes një postimi në Facebook, ku ajo theksoi se ky është një shprehje e fuqishme e besimit se Shqipëria ka zë, ndikim dhe vizion të qartë.
Postimi i plotë në Facebook:
“E nderuar për besimin që mu dha sot, përmes zgjedhjes në unanimitet, si Zëvendës Presidente e Asamblesë Parlamentare të Këshillit të Evropës.
Kjo nuk është thjesht një detyrë e re — është një mesazh i fortë besimii se Shqipëria ka zë, peshë dhe vizion.
Kjo detyrë sjell përgjegjësi të qarta: të forcoj zërin e vendit tim në mbrojtje të demokracisë, sundimit të ligjit dhe të drejtave të njeriut.
Do të angazhohem me përkushtim për të mbështetur Kosovën në rrugën e saj drejt anëtarësimit, për të qëndruar pranë Ukrainës në përpjekjet për drejtësi dhe paqe, si dhe për të nxitur reformat që e bëjnë Shqipërinë një partnere gjithnjë e më të besueshme”.
Leave a Reply