Komunat me shumicë serbe në veri të Kosovës, përfshirë Mitrovicën e Veriut, Leposaviqin, Zveçanin dhe Zubin Potokun, kanë vendosur të largohen nga Asociacioni i Komunave të Kosovës.
Ky hap vjen pas rikthimit të Listës Serbe në pushtet në këto komuna pas zgjedhjeve lokale të tetorit. Kryetarët e rinj nga Lista Serbe, e cila gëzon mbështetjen e Serbisë, kanë deklaruar se do të shqyrtojnë vendimet e marra nga paraardhësit e tyre shqiptarë, fokusi do të jetë në rishikimin e gjendjes juridike dhe financiare për të marrë vendime në përputhje me ligjin dhe interesin e qytetarëve.
Në seancën e parë të kuvendeve komunale më 18 dhjetor, u zgjodhën kryetarë të rinj: Nemanja Bisevac në Mitrovicën e Veriut, Sërxhan Millosavljeviq në Zveçan, Marko Rakiq në Leposaviq dhe Nemanja Jakshiq në Zubin Potok. Ndërkohë, kryetari i Komunës së Mitrovicës së Veriut, Millan Radojeviq, argumentoi se anëtarësimi në Asociacionin e Komunave të Kosovës ishte një vendim politik dhe jo dëshirë e popullsisë lokale.
Ai kërkoi rishikimin e vendimeve të marra gjatë udhëheqjes së mëparshme shqiptare, përfshirë ndalimin e ndërtimit të financuar nga Serbia dhe marrëveshjet e bashkëpunimit me Mitrovicën e Jugut.
Leave a Reply