Iniciativa e të Gjelbërve të Rinj në Lucern kërkon të transformojë katër distrikte të qytetit, duke larguar trafikun e makinave dhe duke rritur hapësirat e gjelbra
Ditën e sotme në Zvicër po zhvillohen votime, si në nivel kombëtar ashtu edhe në disa kantone dhe komuna. Përveç propozimeve të ndryshme komunale dhe vendimeve për projekte ndërtimi të vogla në Zvicrën Qendrore, një votim i veçantë po tërheq vëmendjen.
Iniciativa e të Gjelbërve të Rinj në qytetin e Lucernit synon transformimin e katër distrikteve: Bruch, Hirschmatt, Neustadt dhe Kleinmatt, duke i bërë ato zona pa trafik automjetesh dhe më të gjelbra, raporton albinfo.ch. Zejtarët, punonjësit e shërbimeve, furnizuesit e bizneseve, shërbimet e emergjencës dhe personat me aftësi të kufizuara në lëvizje janë të përjashtuar nga ky rregullim. Parlamenti i Qytetit të Lucernit e ka miratuar iniciativën në qershor, sipas 20minuten.ch.
Finn Krummenacher, bashkëpresident i të Gjelbërve të Rinj, është optimist për miratimin e iniciativës në votimin e së dielës. “Popullsia e kupton se kjo çështje u sjell dobi të gjithëve,” shprehet Krummenacher.
Në anën tjetër, Patrick Zibung, kreu i SVP-së në Lucern, është skeptik për pranimin e iniciativës. “Mendoj se do të ketë midis 40 dhe 50 për qind të votave pro,” thotë ai.
Leave a Reply