AAK dhe Lëvizja Vetëvendosje kanë nënshkruar një marrëveshje bashkëpunimi për balotazh në komunën e Junikut.
Në ceremoninë e nënshkrimit mori pjesë edhe deputeti i LVV-së, Nezir Kraki. Vendimi nga Lëvizja Vetëvendosje vjen pas një analize politike dhe institucionale, duke synuar të mbështesë kandidatin e AAK-së, Agron Kuçi, në raundin e dytë të zgjedhjeve lokale.
Ky hap ka për qëllim të garantojë një administratë të qëndrueshme dhe të përgjegjshme, në përputhje me interesat e qytetarëve të Junikut. Ky koalicion është themeluar mbi mirëkuptimin dhe vizionin e përbashkët për zhvillimin e komunës.
Me këtë marrëveshje, AAK dhe LVV do të formojnë një shumicë në Kuvendin Komunal të Junikut, duke ofruar stabilitet politik dhe mundësi për projekte zhvillimore dhe qeverisje efektive. Synimi është të punohet për një Junik më të drejtë dhe të bashkuar.
Leave a Reply