Kryetari i Lidhjes Demokratike të Kosovës, Lumir Abdixhiku, uroi besimtarët e krishterë për Krishtlindje përmes një njoftimi të publikuar në Facebook.
Ai theksoi rëndësinë e bashkëjetesës, faljes dhe ndarjes për mirëqenien e përbashkët, duke kujtuar se kjo festë simbolizon lindjen e shpresës dhe triumfin e dritës mbi errësirën. Në mesazhin e tij, Abdixhiku nënvizoi se paqja nis në familje dhe zgjerohet në shoqëri, ndërsa vlerësoi harmoninë fetare të shqiptarëve si një forcë që i ka mbajtur të bashkuar në kohë të vështira.
Ai shprehu dëshirën që Krishtlindjet e këtij viti të nxisin më shumë mirësi, respekt dhe solidaritet mes njerëzve. Në fund të urimit, Abdixhiku uroi që festa t’i gjejë të gjithë pranë familjeve, me shëndet dhe shpresë për të ardhmen, duke i uruar një Krishtlindje të gëzuar në emër të partisë që ai drejton.
Leave a Reply