Në intervistën e tij për fundvitin me Radio Kosovën, Agim Ademi, kryetari i Federatës së Futbollit të Kosovës, ka vlerësuar vitin 2025 si një nga epokat më të suksesshme për futbollin kosovar.
Ai theksoi se ngritja e Kosovës në vendin e 80-të në botë në ranglistën e FIFA-s dhe të 23-tin në Evropë nuk është rastësi, por rezultat i punës së përbashkët dhe strategjisë së qartë me UEFA-n dhe FIFA-n. Ademi vuri në dukje rëndësinë e bashkëpunimit të futbollistëve dhe stafit teknik në arritjen e këtyre sukseseve.
Ai shprehu mirënjohje për futbollistët që kanë qenë pjesë e Kombëtares që nga fillimi, duke veçuar kontributin e emrave si Valon Berisha dhe Amir Rrahmani. Ndërkohë, Ademi theksoi se synimi kryesor është kualifikimi në Kupën e Botës, duke e cilësuar një përballje të mundshme me SHBA-të si një moment me domethënie të veçantë për Kosovën.
Ai përmendi se ky sukses do të ishte një ëndërr e realizuar dhe do të shërbente si një falenderim për mbështetjen që SHBA ka dhënë për Kosovën.
Leave a Reply