Një ngjarje e pazakontë ka ndodhur në Has, ku një 14-vjeçar është larguar nga shtëpia me makinën e babait të tij pa leje.
Familjarët e tij kanë raportuar rastin në Policinë e Hasit më 5 janar 2026, duke theksuar se i mituri, Marigleni, ka marrë automjetin e Dirtan Dautit pa miratim. Sipas burimeve, Marigleni ka ndaluar në një pikë karburanti “Petrol” në afërsi të Pejës, duke paguar 79 euro për benzinë, dhe më pas është nisur në drejtim të Prishtinës.
Babai i djalit ka bërë një apel publik për ndihmë, duke kërkuar bashkëpunimin e Policisë së Shqipërisë dhe asaj të Kosovës për të gjetur djalin. Ndërkohë, autoritetet e policisë kanë shpallur në kërkim të miturin dhe po kryejnë kontrolle intensive për lokalizimin e tij.
Procedurat e nevojshme ligjore janë dorëzuar pranë Prokurorisë së Kukësit për hapat e mëtejshëm. Policia bën thirrje qytetarëve që mund të kenë informacion të rëndësishëm, të kontaktojnë menjëherë organet përkatëse.
Leave a Reply