Komisioni Rregullator ka miratuar planet për zgjedhjet e pjesshme për kryetar bashkie në Berat, Tepelenë, Cërrik, Mat dhe Vlorë, sipas dekretit presidencial të dhënë më 1 tetor.
Partitë politike janë të detyruara të dorëzojnë kërkesat e tyre për regjistrim pranë Komisionit Qendror të Zgjedhjeve (KQZ) deri më 16 tetor 2025, afat që vlen edhe për komitetet nismëtare të kandidatëve të pavarur. Regjistrimi i koalicioneve zgjedhore duhet të kryhet deri në 21 tetor.
Dokumentet e kandidimit për bashkitë Vlorë dhe Berat dorëzohen në KQZ, ndërsa për Tepelenë, Cërrik dhe Mat, në KZAZ përkatëse, deri më 24 tetor 2025. Fushata zgjedhore do të fillojë më 1 nëntor 2025.
Mes datave 25 tetor dhe 9 nëntor, të gjitha institucionet, që planifikojnë ngjarje publike në këto bashki, duhet t’i raportojnë paraprakisht KQZ-së. Ndërkohë, Autoriteti i Mediave Audiovizive do të mbikëqyrë mediat për përmbajtjen e tyre gjatë kësaj periudhe.
Vendimi i Komisionit hyn në fuqi menjëherë dhe mund të ankimohet në Kolegjin Zgjedhor brenda pesë ditëve nga shpallja.
Leave a Reply