Arben Gashi nga Lidhja Demokratike e Kosovës ka diskutuar për mundësinë që Agim Veliu të rikandidojë.
Sipas tij, pjesëmarrja e Veliut në proces i jep atij sërish të drejtën për t’u zgjedhur, por vendimi përfundimtar mbetet në dorën e elektoratit të LDK-së. Gjatë një interviste në emisionin “Pressing” në T7, Gashi iu përgjigj opinionistit Burim Ramadani, duke theksuar se nuk është e nevojshme që LDK t’i kërkojë falje Veliut.
Ai sqaroi se largimi i Veliut nga pozita kishte ndodhur që një vit më parë dhe nuk është çështje që kërkon ndjesë. Gashi vuri theksin tek rëndësia e bashkimit dhe prezantimit të vizionit të përbashkët të partisë, duke shmangur diskutimet për çështje të kaluara.
Ai nënvizoi nevojën për fokus në të ardhmen dhe fuqizimin e partisë përmes bashkëpunimit dhe angazhimit të përbashkët.
Leave a Reply