Ali Ahmeti, lideri i BDI-së dhe ish-komandant i UÇK-së, ka theksuar sërish se po kryhet një padrejtësi ndaj UÇK-së dhe shqiptarëve, e cila filloi në Asamblenë Parlamentare të Këshillit të Evropës në Strasburg.
Ahmeti ka shprehur mbështetje të fuqishme për ish-udhëheqësit e UÇK-së dhe ka njoftuar për protestat që po mbahen në Strasburg për të kërkuar drejtësi. Sipas Ahmetit, Gjykata Speciale në Hagë po ndjek një rrugë të shtrembëruar, duke u bazuar në pretendimet e Serbisë të përkrahura nga Rusia, dhe jo në qëllimin për të cilin u themelua.
Ai shprehu solidaritetin e tij me protestuesit, duke thënë se zyrtarët si Hashim Thaçi dhe të tjerët meritojnë të jenë në Kosovë. Ahmeti ka bërë thirrje për përfundimin e padrejtësive dhe ka kërkuar lirimin e ish-pjesëtarëve të UÇK-së, duke theksuar se pafajësia e tyre është konfirmuar nga aleatët ndërkombëtarë.
Ai nënvizoi se populli shqiptar qëndron i bashkuar për drejtësi dhe lirinë e luftës çlirimtare.
Leave a Reply