Ambasada britanike në Prishtinë ka shprehur kënaqësinë e saj për bashkëpunimin me BAE Systems Digital Intelligence dhe Arcus Security në përmirësimin e sigurisë kibernetike dhe zhvillimin e softuerit për proceset zgjedhore në Kosovë.
Në një postim në Facebook, ambasada britanike ka falënderuar Komisionin Qendror të Zgjedhjeve për punën e tij të palodhur dhe bashkëpunimin e shkëlqyeshëm. Ky bashkëpunim synon të sigurojë një proces zgjedhor të qetë dhe transparent dhe të mundësojë publikimin e shpejtë dhe të saktë të rezultateve.
Përpjekjet e përbashkëta me partnerët e tyre synojnë të përmirësojnë infrastrukturën zgjedhore, duke u fokusuar në sigurinë dhe efektivitetin e proceseve zgjedhore në kohë reale. Ky projekt përforcon angazhimin e përbashkët për të ndërtuar një sistem zgjedhor të besueshëm dhe të sigurt.
Leave a Reply