Ambasada e Shteteve të Bashkuara në Kosovë ka kritikuar vendimin për të mos certifikuar Listën Serbe për zgjedhjet e parakohshme të planifikuara më 28 dhjetor.
Në një deklaratë, Ambasada ka theksuar se bllokimi i certifikimit nga Lëvizja Vetëvendosje është një veprim që krijon ndarje dhe është afatshkurtër. Sipas tyre, të gjithë qytetarët e Kosovës duhet të kenë mundësinë të ushtrojnë të drejtat e tyre demokratike.
Ky veprim, sipas Ambasadës, dëmton jo vetëm stabilitetin e Kosovës, por edhe interesat e SHBA-së, përfshirë dialogun strategjik që synon të avancojë mundësitë për bizneset amerikane dhe kosovare. Ndërkohë, gjatë një mbledhjeje të Komisionit Qendror të Zgjedhjeve, Lëvizja Vetëvendosje votoi kundër certifikimit të Listës Serbe, ndërsa pesë parti të tjera abstenuan.
Leave a Reply