Ambasadori britanik në Kosovë, Jonathan Hargreaves, vizitoi sot në mëngjes zyrën e kryetarit të Prishtinës, Përparim Rama, për ta uruar për fillimin e mandatit të tij të dytë.
Gjatë këtij takimi, ata diskutuan për projektet që synojnë të realizohen në kryeqytet, duke përfshirë edhe përgatitjet për Lojërat Mesdhetare 2030, që do të zhvillohen në Prishtinë. Ambasadori Hargreaves shprehu kënaqësinë për takimin me kryetarin Rama dhe theksoi rëndësinë e bashkëpunimit për këto ngjarje të mëdha sportive.
Gjithashtu, ai ndau planet e Ambasadës Britanike për të forcuar lidhjet ekonomike mes bizneseve britanike dhe atyre kosovare, veçanërisht në sektorin e teknologjisë. Ky takim nënvizon angazhimin e përbashkët për zhvillimin e mëtejshëm të Prishtinës dhe përmirësimin e marrëdhënieve ndërmjet dy vendeve në fusha të ndryshme.
Leave a Reply