Ambasadori i ri gjerman në Kosovë, Ranier Rudolph, ka shprehur besim se qeveria e re e Kosovës do të formohet së shpejti, duke lejuar kështu një bashkëpunim të frytshëm me Gjermaninë.
Gjatë një ceremonie për Ditën e Bashkimit Gjerman, Rudolph theksoi se Gjermania vazhdon të jetë një mik i palëkundur dhe partner i fuqishëm për Kosovën. Ai theksoi rëndësinë e formimit të një qeverie të re dhe të plotësisht të mandatuar, që të mundësohet bashkëpunimi i ngushtë me qeverinë gjermane.
Në fjalën e tij, ambasadori gjerman nënvizoi angazhimin e vazhdueshëm të vendit të tij për të mbështetur zhvillimin dhe stabilitetin në Kosovë, duke shprehur gjithashtu optimizëm për të ardhmen e bashkëpunimit ndërmjet dy vendeve.
Leave a Reply