Agjencia e Menaxhimit Emergjent ka raportuar për gjendjen e vërshimeve në Kosovë pas reshjeve të dendura të shiut dhe borës.
Sipas informacioneve të fundit, situata është nën kontroll, por disa rajone po përballen me probleme të mëdha. Në Prishtinë dhe rrethinat si Fushë Kosovë dhe Lipjan, janë raportuar bllokime të kanalizimeve që kanë shkaktuar depërtime uji në disa shtëpi.
Prizreni ka përjetuar vërshime në rrugë dhe ura, ndërsa disa segmente mbeten të pakalueshme përkohësisht. Në Pejë, ndërhyrjet po vazhdojnë për të zhbllokuar kanalizimet.
Rajoni i Mitrovicës duket më i qetë, me angazhime për të larguar ujin nga disa hapësira, ndërsa në Gjakovë situata është stabile dhe niveli i lumenjve është në rënie. Në Gjilan, megjithëse ka pasur rrëshqitje dheu dhe rritje të nivelit të lumenjve, situata është e menaxhueshme.
Agjencia vazhdon të monitorojë situatën dhe kërkon nga qytetarët të raportojnë çdo rrezik përmes numrave emergjentë. Ndërkohë, kërkesat për pajisje thithëse nga KEK dhe KOSTT janë realizuar për të përballuar situatën.
Leave a Reply