Eugen Cakolli nga Instituti Demokratik i Kosovës (KDI) ka analizuar rezultatet e zgjedhjeve lokale, duke theksuar rëndësinë e buxheteve komunale në përcaktimin e fuqisë politike të partive.
Ai sugjeron se ndikimi politik nuk duhet vlerësuar vetëm nga numri i komunave të fituara, por më tepër nga madhësia e buxheteve që ato do të menaxhojnë. Në një postim publik, Cakolli shpjegoi se fuqia e partive matet me përgjegjësitë që ato marrin mbi vete, përkatësisht buxhetet që do të qeverisin.
Ai paraqiti të dhënat për vitin 2026, duke treguar shpërndarjen e buxheteve sipas partive:
– Lidhja Demokratike e Kosovës (LDK) do të menaxhojë 7 komuna me një buxhet prej rreth 272 milionë euro. – Partia Demokratike e Kosovës (PDK) do të mbulojë 6 komuna me buxhet rreth 195 milionë euro.
– Lëvizja Vetëvendosje (LVV) do të qeverisë 7 komuna me buxhet afërsisht 171 milionë euro. – Aleanca për Ardhmërinë e Kosovës (AAK) do të menaxhojë 5 komuna me buxhet rreth 119 milionë euro.
Sipas Cakollit, këto përllogaritje tregojnë se LDK-ja do të ketë nën kontroll rreth një të tretën e buxheteve komunale, ndërsa PDK dhe LVV do të kenë ndikim të ngjashëm. AAK ruan një pozicion të qëndrueshëm me komuna të mesme dhe buxhete solide.
Cakolli përfundoi se kjo metodologji është ndër më objektivet për të vlerësuar ndikimin politik lokal.
Leave a Reply