Anëtarësimi i Kosovës në NATO sfidon strategjinë serbe

Edward P.

Joseph, një ekspert i njohur amerikan në diplomaci dhe menaxhimin e konflikteve, ka propozuar që Serbia dhe Kosova të integrohen në NATO. Ky propozim ka ngjallur diskutime në qarqet politike të Uashingtonit dhe Evropës.

Joseph, i cili jep mësim në Universitetin Johns Hopkins, theksoi se Ballkani përbën një nyje të rëndësishme në strategjitë hibride të Rusisë ndaj Perëndimit. Sipas tij, ndikimi rus në Ballkan përdoret për të mbajtur Serbinë në orbitën e Moskës, ndërsa dobësimi i këtij ndikimi do të ishte një goditje e rëndë për strategjinë ruse në rajon.

Joseph argumenton se futja e Serbisë në NATO do të kishte një efekt të ngjashëm me fundosjen e anijes ruse “Moskva,” duke prishur strukturën e ndikimit rus në Ballkan. Ai sugjeron gjithashtu përdorimin e modelit të Kosovës për zgjidhjen e situatës në Donbas të Ukrainës, duke krijuar hapësira për negociata pa dorëzuar territore.

Joseph thekson rëndësinë e stabilizimit të Ballkanit për të parandaluar ndërhyrjet autoritare në Evropë, duke propozuar veprime të menjëhershme si sanksione dhe përshpejtim të integrimit euroatlantik të rajonit.