Koalicioni i formuar mes Partisë Shqiptare Demokristiane të Kosovës (PSHDK) dhe Vetëvendosjes (VV) për zgjedhjet e 28 dhjetorit po has në kundërshtime të forta nga demokristianët në diasporë, veçanërisht ata në Zvicër, Gjermani dhe Austri.
Këta aktivistë kërkojnë një mbledhje të jashtëzakonshme të partisë dhe shkarkimin e kryetarit Zef Morina dhe Anton Shalës, të cilët akuzohen për vendosje pa miratim të elektoratit. Anton Marku, kreu i degës së PSHDK-së në Austri, deklaroi se ky bashkëpunim me VV-në shkel parimet e partisë dhe mund të dëmtojë rolin e saj politik.
Ai theksoi se ky koalicion nuk përputhet me ideologjinë e PSHDK-së dhe shërben vetëm interesave personale. Demokristianët në diasporë janë të shqetësuar se vota e tyre po përdoret për qëllime që kanë sjellë regres më shumë se progres në pesë vitet e fundit.
Ata madje konsiderojnë bojkotimin e zgjedhjeve derisa të ndodhë një ristrukturim i plotë i partisë dhe largimi i atyre që kanë ndikuar negativisht në këtë situatë.
Leave a Reply