Sulmuesi i Kombëtares shqiptare, Arbër Hoxha, në një intervistë të fundit, u shpreh optimist për ndeshjen play-off që Shqipëria do të zhvillojë kundër Polonisë më 26 mars.
Edhe pse preferenca e tij do të ishte që kjo ndeshje të luhej në Tiranë, përpara tifozëve të zjarrtë shqiptarë, ai beson se ekipi mund të arrijë sukses edhe si mysafir. Fitorja e fundit ndaj Serbisë si vizitor ka rritur besimin në skuadër, duke i dhënë motivim përballë çdo kundërshtari, pavarësisht vendndodhjes.
Hoxha theksoi se, edhe pse do të ishte e mrekullueshme të luanin në shtëpi, ekipi është i përgatitur për sfidën që i pret në Poloni. Ai vlerësoi mbështetjen e tifozëve dhe shprehu besimin se ata do të jenë të pranishëm në numër të madh edhe në këtë ndeshje jashtë fushe, duke kontribuar në shpresën për një fitore tjetër të rëndësishme.
Leave a Reply