Arbnor Spahiu, një shtetas i Republikës së Kosovës, është liruar nga paraburgimi në Serbi, ku ishte mbajtur për një kohë të gjatë me akuza për “vrasje të rëndë” lidhur me ngjarjet në Banjskë të vitit 2023.
Ministria e Punëve të Jashtme dhe Diasporës së Kosovës, e informuar nga Zyra Ndërlidhëse në Serbi, ka reaguar ndaj këtij zhvillimi. Që nga arrestimi i tij, institucionet e Kosovës kanë ndjekur nga afër rastin e Spahiut, duke i ofruar mbështetje dhe duke kërkuar respektimin e të drejtave të tij bazë sipas standardeve ndërkombëtare të drejtësisë.
Sipas MPJD-së, akuzat serbe ndaj tij ishin të pabazuara dhe me motive politike, ndërsa paraburgimi i zgjatur përbënte shkelje të së drejtës për proces të rregullt. Në deklaratën e saj, ministria thekson se lirimi i Spahiut tregon se pretendimet serbe nuk qëndronin dhe bën thirrje për përfundimin e përdorimit të sistemit gjyqësor për presion politik ndaj qytetarëve të Kosovës.
MPJD falënderon institucionet vendore dhe ndërkombëtare për ndihmën dhe riafirmon angazhimin e saj për mbrojtjen e qytetarëve kosovarë kudo që ndodhen.
Leave a Reply