Arian Tahiri, deputet i Partisë Demokratike të Kosovës (PDK), ka qenë i ftuar në emisionin “Blic Interview” me Astrit Gashin, ku ka diskutuar mbi rezultatet e fundit zgjedhore.
Ai ka theksuar se rezultatet nuk përmbushën pritjet e PDK-së, por i konsideron si një reflektim të vullnetit demokratik që duhet respektuar. Tahiri ka shpjeguar se puna dhe angazhimi për rritjen e numrit të deputetëve dhe votës për PDK-në nuk rezultuan në mbështetjen e pritur nga qytetarët, megjithatë ai vlerëson rëndësinë e përkushtimit për konsolidimin dhe riorganizimin e partisë.
Ai e cilëson PDK-në si forcën kryesore opozitare që do të vazhdojë të punojë në interes të shtetit dhe qytetarëve. Duke folur për mesazhin e dërguar nga elektorati, Tahiri nënvizoi se është një shprehje e qartë e dëshirës për përfaqësim dinjitoz.
Ai shprehu mirënjohje të veçantë për votuesit që i kanë dhënë mbështetje personale, duke e cilësuar si një nder dhe përgjegjësi të madhe. Tahiri ftoi të rinjtë dhe familjet e ndershme t’i bashkohen PDK-së, duke e parë atë si një mundësi për të kontribuar në të ardhmen e Kosovës.
Leave a Reply