Në një intervistë në Rubikon të Klan Kosovës, opinionisti Avni Arifi diskutoi situatën politike aktuale, duke theksuar se më 9 shkurt, partitë opozitare kishin një mundësi të rëndësishme për t’u bashkuar.
Arifi vuri në dukje se ka munguar besimi i ndërsjellë mes opozitës dhe Lëvizjes Vetëvendosje. Ai theksoi se rivaliteti historik midis LDK-së dhe PDK-së vazhdon të jetë një pengesë, duke përmendur se brenda LDK-së ka pasur individë që hezitonin të bashkëpunonin, nga frika se nuk do të mbështeteshin.
Nga ana tjetër, PDK nuk tregoi interes për të bashkëpunuar me LDK-në, gjë që u reflektua në mosmbështetjen në zgjedhjet e Gjilanit dhe Fushë-Kosovës. Arifi deklaroi se Kurti ka arritur të ndikojë në partitë politike, duke i bërë ato të ndjehen të kërcënuara nga ndonjë humbje votash për shkak të Vetëvendosjes.
Sipas tij, kjo frikë e partive opozitare ka ndikuar në qëndrimet e tyre politike.
Leave a Reply