Pas fitores së Lëvizjes Vetëvendosje në zgjedhjet e parakohshme parlamentare të 28 dhjetorit, politikani shqiptar Shqiprim Arifi ka komentuar rezultatet.
Ai thekson se vetëm 450 mijë votues kanë mbështetur VV-në, që përbën rreth 25% të popullsisë së Kosovës. Sipas Arifit, kjo përqindje nuk përfaqëson një mbështetje të qëndrueshme, por një manipulim të përkohshëm.
Ai shpjegon se, ndonëse një shumicë mund të fitojë në votime, kjo nuk do të thotë se pasqyron realitetin apo të vërtetën. Arifi paralajmëron për mundësinë e mashtrimeve dhe manipulimeve të mëtejshme nga qeveria e re dhe u bën thirrje qytetarëve të mos ankohen në të ardhmen, pasi janë të vetëdijshëm për situatën.
Arifi gjithashtu hedh poshtë kritikat ndaj diasporës, duke theksuar se mungesa e lidershipit dhe strategjisë në opozitë ka ndikuar në rezultatet e zgjedhjeve. Ai e mbyll deklaratën e tij duke theksuar se, pavarësisht presioneve, do të vazhdojë të qëndrojë kundër asaj që ai e quan “RRENC”.
Leave a Reply