Arrestohet në Obiliq një person për bashkëjetesë me të miturën

Në Obiliq, Policia e Kosovës ka arrestuar një burrë nën dyshimin se ka qenë në një marrëdhënie bashkëjetese me një vajzë të mitur.

Rasti u raportua në orët e para të mëngjesit, rreth orës 02:00, dhe është kategorizuar si bashkëjetesë jashtëmartesore me një person nën moshën 16 vjeç. Sipas raportit 24-orësh të Policisë, burri i dyshuar, shtetas kosovar, akuzohet për bashkëjetesë me një vajzë të mitur kosovare.

Në përputhje me vendimin e prokurorit, i dyshuari është vendosur në paraburgim.