Një 40-vjeçar me emrin Boris Volfman është ndaluar nga autoritetet ruse, pasi dyshohet për përfshirje në trafikimin e organeve njerëzore.
Ky individ, i cili më parë ka qenë në listën e të kërkuarve të Interpolit nga Rusia, është i lidhur me një klinikë që operonte në Kosovë disa vite më parë. Volfman, i sjellë në Rusi pas deportimit nga Turqia, përballet me një dënim të mundshëm deri në 15 vjet burgim.
Sipas Metro.co.uk, ai akuzohet për drejtimin e një rrjeti ndërkombëtar të trafikimit të organeve, që përfshin vende nga Kosta Rika deri në Kosovë. Në të kaluarën, Volfman është ndaluar në Turqi mbi dyshimet se po përpiqej të siguronte organe nga refugjatët sirianë për t’i shitur klientëve të pasur.
Ai është arrestuar gjithashtu në Tiranë dhe në Izrael për akuza të ngjashme, duke e bërë atë një figurë të njohur në rrjetet e trafikimit të organeve.
Leave a Reply