Avni Qenaj, një ish-ushtar i Ushtrisë Çlirimtare të Kosovës dhe pjesëtar i Brigadës 138 “Agim Ramadani” në Koshare, është arrestuar të martën në Serbi.
Aktualisht, ai ndodhet në paraburgim me një masë ndalimi prej 48 orësh, ndërsa pritet të paraqitet një kallëzim penal kundër tij në prokurorinë e duhur. Lidhur me këtë ngjarje, Hysni Gucati, kryetar i Organizatës së Veteranëve të Luftës së UÇK-së, dha detaje gjatë një interviste në emisionin “Ora Shtatë”.
Gucati sqaroi se Qenaj po udhëtonte drejt Bosnje e Hercegovinës, ku ai zotëron një furrë buke, kur u arrestua në kufirin me Serbinë. Gucati shtoi se kjo është hera e parë që Qenaj përballet me një situatë të tillë gjatë udhëtimeve të tij të shumta në atë rajon.
Ai gjithashtu bëri thirrje përmes mediave që veteranët e UÇK-së të shmangin udhëtimet në Serbi për të mos hasur probleme të ngjashme.
Leave a Reply