Ish-deputeti i Parlamentit të Kosovës nga Partia Demokratike e Kosovës, Artan Behrami, ka theksuar në një intervistë për “Politiko” se Bedri Hamza është një figurë kyçe për stabilitetin politik në Kosovë.
Sipas Behramit, Hamza përfaqëson një zgjidhje për krizën politike përmes përvojës dhe dialogut. Behrami vuri në dukje se parametra të ndryshëm të shoqërisë kosovare favorizojnë Hamzën në këtë moment.
Ai argumentoi se mungesa e stabilitetit po dëmton politikën e brendshme dhe pozitën ndërkombëtare të Kosovës, dhe vetëm një qasje e qetë dhe e dialoguar mund të sjellë normalitetin e nevojshëm pas një periudhe prej pesë vitesh të jostabilitetit dhe pasigurisë. Duke folur për ndarjet e brendshme në shoqërinë kosovare, Behrami theksoi se Bedri Hamza nuk ndjek politika të vijave të kuqe, pasi ato kanë kontribuar në ndarjen e shoqërisë në kategori të ndryshme, si patriotë dhe tradhtarë.
Ai sugjeroi se është koha për tejkalimin e këtyre ndarjeve për të arritur një konsensus më të gjerë politik.
Leave a Reply